Húrra Guðbergur

Eins og ég talaði um í gær er lýðræðisástin missterk hjá fólki, og virðist vera einna veikust hjá þeim sem eiga að stjórna landinu. Sá flokkur sem hæst hefur látið heyrast í sér í þá áttina er vafalaust VG, en að undanförnu höfum við orðið vitni að sönnu eðli þeirra sem þar stjórna. Nýkjörin oddviti flokksins í Reykjavík galar fram fyrir öðrum flokksmönnum hvað þeir eigi að kjósa á borgarstjórnarfundum og frambjóðandi er handsettur í fjórða sæti flokksins á Akureyri, þrátt fyrir að hafa ekki tekið þátt í bindandi prófkjöri.

Það var þó vitað mál að innan hreyfingarinnar, væru einhverjir sem bæru sanna lýðræðisást fyrir brjósti. Það er því gaman að sjá að einhver innan VG var ekki tilbúinn að vera með í klappkór Steingríms fyrir hvað sem er, einhver sem metur hugsjónir ofar völdum. Enda er hann farinn úr VG, og ég er nokkuð viss um að hann er ekki sá síðasti sem fer þá leið.

Formaður VG á Akureyri segir af sér

Athugasemdir

[Axel Þór Kolbeinsson, 19.2.2010 kl. 13:17]

Og ekki sá fyrsti heldur.

[Eiríkur Guðmundsson, 19.2.2010 kl. 13:18]

Vissulega, en samt svona af þeim sem bera einhverja titla held ég.

[Axel Þór Kolbeinsson, 19.2.2010 kl. 13:30]

Rafn Gíslason var stjórnarmaður í svæðisfélagi VG í Hveragerði og Ölfus, og sagði sig úr flokknum síðasta sumar, en Guðbergur er fyrsti formaðurinn sem ég man eftir.

[Eiríkur Guðmundsson, 19.2.2010 kl. 13:51]

Það er í raun að ótrúlegt hve fáir virðast hafa farið úr þessum flokki, svona opinberlega allavega