Heilbrigðiskerfið

Siv Friðleifsdóttir, heilbrigðisráðherra, gerði mikið úr ágæti heilbrigðiskerfisins í kosningarþætti á Stöð 2 fyrir stuttu. Hún hélt því hikstalaust fram að það væri hið besta sem fyrirfyndist og engu líkara var en ekkert þyrfti að laga né bæta í þeim málaflokknum. Ekki er nú furða að kjósendur skuli vera að snúa baki við Framsóknarflokknum í hrönnum nú um stundir ef að einn af forrystusauðunum sér ekki hversu erfitt ástandið er á heilbrigðisstofnunum landsins, eða kýs einfaldlega að loka augunum fyrir því og skeita engu aðfinnslum þeirra sem vilija hér betra heilbrigðiskerfi. 

 Frétt sem sögð var í fréttum stöðvar 2 í dag, hrekur það ágæti sem Siv hefur á sinni stjórnun. Niðurskurður hefur verið gríðarlegur og í fréttum var sagt frá því þegar að manni í sjálfsmorðshugleiðingum var komið fyrir inná baðherbergi, vegna þess að deildin var yfirfull. Maður í bráðri lífshættu var því vistaður inná klósetti, þar sem að hreinsiefni voru geymd á vaski inn á klósettinu. Farið var óvægilega með hnífinn í heilbrigðiskerfinu sem þetta mál sýnir vel. Engu að síður telur heilbrigðisráðherra sjálfur að hvergi sé hægt að finna betra kerfi. 

Athugasemdir

[Eiríkur Guðmundsson, 22.4.2007 kl. 00:06]

segðu. ef við værum nú í þessum 10 % hópi sem er ríkastur á íslandi. þá gætum við komið á umbótum mögglunarlaust

[Eiríkur Guðmundsson, 22.4.2007 kl. 00:19]

segðu. ef við værum nú í þessum 10 % hópi sem er ríkastur á íslandi. þá gætum við komið á umbótum mögglunarlaust