Það sem eftir stendur

Þegar öllu er á botninn hvolft, hvort sem það átti að fella dýrið eða svæfa það, stendur sú staðreynd upp úr allri umræðunni að enginn viðbragðsáætlun er til staðar. Ástæðuna fyrir því að hlutirnir fóru eins og þeir gerðu er sú að enginn er áætlunin. Það er deginum ljósara að ráðamönnum hér á Íslandi hefur ekki flogið það í hug að við gætum fengið svona heimsóknir til okkar. Reyndar þekki ég ekki hvort að dýralæknar eða aðrir menn sem tengjast svona málum hafi áður bent á að slíka áætlun vantaði. Héraðsdýralæknirinn hér á Egilstöðum gerði það hins vegar í útvarpinu í dag. Það kæmi því ekki að óvart ef að viðbragðsáætlun til að notast við í tilvikum sem þessum liti dagsins ljós síðar á árinu. Það væri í það minnsta ekki óeðlilegt. 

Hvað varðar hvort að rétt hafi verið að fella björninn eða ekki þá held ég að úr því sem komið var þar sem að enginn virtist hreinlega vita hvað átti að gera. Viðbragðsáætlun takk.

 

Ísbjörninn felldur

Athugasemdir

[Borgný Katrínardóttir (IP-tala skráð) 3.6.2008 kl. 21:25]

Sammála

Ég sendi einmitt fyrirspurn til Umhverfisráðuneytisins fyrir nokkrum árum þegar hafís var við landið og einhver umræða var um hugsanlega ísbjarnarheimsókn. Ég hafði áhyggjur á að annað svona ísbjarnardráp myndi eiga sér stað og vildi vita hvort umhverfisráðuneytið myndi gera eitthvað til að koma í veg fyrir slíkt. 

Svarið sem ég fékk var eitthvað á þá leið að kæmi þessi staða upp þá yrði reynt að fanga björninn (ef því væri hægt að koma við, og fólki og búfénaði stafaði ekki bráð hætta af honum) og flytja hann til heimkynna sinna.

Í dag kemur svo þessi staða upp og þá er bara engin viðbragðsáætlun og ekki einu sinni til deyfilyf (sem reyndist síðan vera kjaftæði).

Vonandi verður nú loksins bætt úr þessu úrræðaleysi.