Heyr Heyr Össur

Össur Skarphéðinsson var rétt í þessu að setja ofan í við þingmenn Sjálfstæðisflokksins niður á þingi, og sagði þá ganga erinda LÍÚ í mótstöðu sinni við stjórnarskrárbreytingar. Hann hefur kannski lesið færsluna hjá mér hérna rétt fyrir neðan  . Jón Gunnarsson gat heldur lítið sagt við þessum orðum Össurar, nema það að hann hefði ekki farið í efnislega gagnrýni á frumvarpinu! Hvað hefur hann þá verið að gera uppi í pontu undanfarna daga? Jú beita málþófi, en það er vegna þess að þeir eru í erindagjörðum fyrir LÍÚ. Eins og sagt var á landsfundi þeirra þá telja þeir að þeir megi ekki missa völdin yfir sjávarútvegnum.

Koma til móts við Sjálfstæðisflokk

Athugasemdir

[Katrín, 7.4.2009 kl. 15:22]

Ef þú læsir nú frumvarpið og greinagerðina, ég tala nú ekki um að ef þú gæfir tíma til að hlusta á þessa ræðu:

http://www.althingi.is/altext/hlusta.php?raeda=rad20090407T113830&horfa=1

kæmist þú að því að í engu er verið að tryggja að auðlyndir sjávar verði skilgreindar sem þjóðarauðlind...í frumvarpinu segir akkúrat ekkert um það og í greinagerðinni er það einmitt staðfest.  . Þannig að ásakanir um hagsmunagæslu Sjálfstæðismanna falla um sjálft sig.

[Finnur Bárðarson, 7.4.2009 kl. 15:32]

Katrín: Þjóðarauðlind eða þjóðareign. Það er töluverður munur á. Sjálfstæðismönnum hugnast ekki orðið þjóðareign svo mikið er víst. Allir geta sammælst um orðið þjóðarauðlind sem segir ekkert um eignarhald.

[Katrín, 7.4.2009 kl. 16:37]

Þú hefur sem sagt ekkert hlustað á ræðuna. 

Ákvæði um auðlind í þjóðareigu er einfaldlega ekkert skilgreint meir.  þar kemur ekkert fram sem segir hvaða auðlindir eiga að skilgreinast sem eign þjóðarinnar, hvorki heita vatnið né nytjastofnar við íslandsstrendur né nokkuð það annað sem væri mögulegt að líta á sem auðlind.

Að halda öðru fram er hreint og beint lýðskrum og það kann Össur vel

[Eiríkur Guðmundsson, 7.4.2009 kl. 17:25]

Ég er ekki viss um að þú hafir lesið þetta sjálf Katrín, en það er verið að tala um þjóðarauðlindir. Í fleirtölu taktu eftir. Þær eru að sjálfssögðu fiskurinn í sjónum, heita vatnið í jörðinni, vatnið í landinu og olían sem mun finnast í okkar lögsögu. Með þessum lögum er verið að koma í veg fyrir að þessar auðlindir komist í einkaeigu, og verði því í sameiginlegri eign þjóðarinnar.

[Katrín, 7.4.2009 kl. 20:14]

Jú málið er Eiríkur að ég hef lesið frumvarpið og greinagerðina.  Og í greinagerðinni stendur:+

    Engin almenn skilgreining liggur fyrir á náttúruauðlindum eða öðrum umhverfisgæðum en í víðtækasta skilningi falla allir þættir náttúrunnar, jörðin, lífríkið, vatn, loft og sólarljós undir hugtakið náttúruauðlindir

 

Vegna þess að aðstæður og viðhorf geta breyst í tímans rás er ekki gert ráð fyrir að náttúruauðlindir í þjóðareign verði skilgreindar í sjálfri stjórnarskránni, heldur verði það gert í almennum lögum.

Með því að bæta ákvæði í stjórnarskrá sem lýsir yfir þjóðareign allra auðlinda sem ekki eru háðar einkaeignarrétti yrði hægt að fella undir hugtakið nytjastofna á Íslandsmiðum, sbr. lög nr. 116/2006, um stjórn fiskveiða, og auðlindir sem eru á, í eða undir hafsbotninum, utan netlaga og svo langt til hafs sem fullveldisréttur Íslands nær, sbr. lög nr. 73/1990, um eignarrétt íslenska ríkisins að auðlindum hafsbotnsins. Væri þannig rétt að laga ákvæði þeirra laga að hinu nýja stjórnarskrárákvæði. Þá gæti löggjafinn hugsanlega þurft að taka afstöðu til þess hvort skilgreina beri nýjar auðlindir sem ekki hafa verið nýttar áður sem þjóðareign

 

Þarna er ýmislegt gefið í skyn en ekkert fast í hendi, enda getur hvaða ríkisstjórn sem er breytt ákvæðinu eftir behag með almennum lögum og/eða fallið lög úr gildi

 

 

[Eiríkur Guðmundsson, 7.4.2009 kl. 21:08]

Það er aftur á móti morgunljóst að flestir, ef ekki allir, stjórnmálaflokkar sem eiga sæti á Alþingi fyrir utan Sjálfstæðisflokk líta þannig á að þetta geri mönnum kleyft að ganga í breytingar á kvótakerfinu til dæmis. Annars væru málpípur LÍÚ í sjálfstæðisflokknum ekki að tefja málið eins og staðan er í dag. Þá væri Friðrik J. Arngrímsson framkvæmdarstjóri LÍÚ ekki mættur fram á sjónarsviðið, með allt að því hótanir ef að breytingar verði.

[Katrín, 7.4.2009 kl. 23:06]

Það er eitt að halda og annað að vita Eiríkur.  Þér finnst það sem sagt í lagi að keyra í gegn stjórnarsárbreytingar sem eru umdeildar a) vegna þess að Sjálfstæðisflokkurinn er á móti og b) vegna þess að framkv.stjóri LÍÚ er sagður andvígur málinu?  

Það heigulla manna háttur að láta aðra taka fyrir sig ákvörðun..og það virðist vera nægt framboð af slíku fólki

[Eiríkur Guðmundsson, 8.4.2009 kl. 11:33]

Það er alveg rétt hjá þér að nóg er að framboðinu, við höfum séð 26 þingmenn sem sendir eru upp í ræðustól og hafa lítið með það að segja, og ennþá minna að segja.

Ég er fylgjandi því að auðlindir þjóðarinnar verði í þjóðareigu, en ekki einkaeigu. Ég er fylgjandi því að stjórnlagaþingi verði komið á fót. Og ég er fygljandi auknu lýðræði til íbúa þessa lands, þannig að þeir geti kosið í þjóðaratkvæðagreiðslu um mikilvæg mál.