Verður ekki langt í næstu kosningar.

Þá er báráttunni lokið í þetta skiptið og ég væri að ljúga ef ég segðist ekki vera ósáttur með útkomuna. Það þýðir aftur á móti ekkert að gráta niðurstöðunar, heldur verður að nýta þetta sem tækifæri til að byggja flokkinn upp að nýju eftir áralanga niðurbrotsstarfsemi nokkurra manna (konur eru líka menn) sem nú verða vonandi fljótt á enda.

Nú er um það bil ár í sveitarstjórnarkosningar, og eftir því sem að ég hef heyrt er mikil hugur í fólki að taka þátt í þeim undir merkjum flokksins víðs vegar um land. Það er svo eitthvað sem segir mér að sú stjórn sem tekur nú við (VG & Samfó) verði ekki langlíf, og við þurfum því ekki að bíða lengi eftir næstu kosningum.

Það er þó ljóst að nóg verður að gera hjá okkur sem virkilega viljum veg Frjálslynda flokksins sem mestan, en erum ekki að hengja okkur í persónulegar vegtyllur.

Áður en að ég fer persónulega að einhverju afli í að hjálpa til við endurreisnina ætla ég að fara heim í Álftafjörðinn, sem er fyrir þá sem ekki vita, fallegasti fjörður á landinu . Næsta mánuðinum eða svo verður eytt við sauðburð, eitthvað sem öllum væri hollt að gera einu sinni á ári. Það er í það minnsta nóg að gera á Starmýri ef að einhverjum af þeim þingmönnum sem ulltu út af þingi á laugardagin vantar eitthvað að gera. Skiptir þá engu hvort menn heita Sigurður Kári eða Grétar Mar, það er ekki farið í manngreiningarálit á sauðburði.

Ég bið að heilsa í bili, um leið og ég þakka öllum þeim sem ég starfaði með hér í Norðausturkjördæmi fyrir samstarfið. Einnig þakka ég þeim sem kusu okkur kærlega fyrir velvildina.

Athugasemdir

[Hallgrímur Guðmundsson, 1.5.2009 kl. 08:49]

Sæll Eiríkur, ég þakka fyrir mig þó svo niðurstaðan hafi ekki verið okkur í hag þá var þetta gaman. Reynslunni ríkari mætum við tvíefld í næsta slag.

Gangi þér vel félagi.

[Eiríkur Guðmundsson, 11.5.2009 kl. 15:18]

Þakka kveðjunar vinir. Og að sjálfssögðu eigum við eftir að sjást þó að ekki sé um kosningaslag að ræða.