Nú er ég hissa

Ég verð að segja alveg eins og er, af því að þegar ég var yngri var mér kennt að hreinskilni væri dyggð og löstur væri að ljúga, að það kemur mér ekki að óvart að menn innan ríkisstjórnarinnar sem situr hér á landi séu ósammála. Menn sem eru í sitt hvorum flokknum eru ekki sammála um hvað gera skal þegar kemur að því að stýra ríkisskútunni. 

Þetta eru ekki nýjar fréttir, þvert á móti, þessi ríkisstjórnarflokkar eru nánast aðeins sammála um einn hlut. Það er að vera saman í ríkisstjórn, halda völdum. Afstaða flokkanna til Hvalveiða, Evrópusambandsins og Baugsmálsins auk fjölda annarra mála eru ekki nálægt því að vera líkar. Hvað eftir annað hafa þingmenn flokkanna munnhöggvist gegn hvor öðrum í vetur. Þetta er því alls ekki frétt, það gat hver sem er sagt sér þetta. Það verður hins vegar sennilega forsíðufrétt þegar að einhversskonar samstaða verður með þessum flokkum.

Það leynist samt frétt í fréttinni. Hún er sú að Kristján Þór Júlíusson er sammála Gunnari Svavarssyni, og hann er í hinum ríkisstjórnarflokknum. Eigum við ekki að segja að þetta sé undantekningin sem sannar regluna? 

Frestun ekki inni í myndinni

Athugasemdir

[Sigurjón Þórðarson, 18.6.2008 kl. 10:49]

Mér sýnist sem að sumir í "samstarfinu" séu helst á því að vera sammála um að vera ósammála .